吳建豪（右）同韓星朴志胤（左）噚日喺橫店拍新劇《大劇院》，套劇係張國榮生前主演嘅電影《夜半歌聲》嘅延續。對於有機會演繹張國榮喺戲中嘅角色，吳建豪話冇壓力，佢話：「我演富家公子，角色與張國榮當年演的不盡相同，我不擔心會比較，也不會有壓力。」因為吳建豪冇記熟對白，搞到成日NG，佢惟有對住朴志胤吹吹口哨，緩和尷尬氣氛。