樂基兒及LisaS.等昨日在灣仔出席「DTC俊文珠寶花飾奇緣鑽飾時裝預展」活動，為了行騷，樂基兒又做了一天逃學威鳳，她指早向老師請了假，又指不會出席男友黎明的演唱會，因為黎明平時常在家引吭練歌，她是唯一的聽眾。
名模樂基兒及LisaS.等昨日在灣仔，出席DTC舉辦的Forevermark花飾奇緣鑽飾時裝預展，樂基兒示範了全場最貴、來自LarryJewelry的150萬元鑽飾，她透露為了行這個騷，又做了一天逃學威鳳，她說：「𠵱家啱啱開學，課程好緊密，我日日朝10晚9返學，不過今日已經同老師請咗假。」
拒看個唱
再問是否收到男友黎明送的生日禮物時，她說：「好早之前已經收咗，不過要保持秘密唔講係乜嘢。」提到早前AnaR.不慎露點，她說：「呢啲事間唔中都會發生，自己盡量小心啲囉。」問到男友會否過問她真空行騷？她說：「佢都冇乜講呢啲，不過自己都唔想煩親佢，因為如果自己走光，啲記者實走去問佢。」她又事先張揚不會現身黎明的演唱會，她說：「想分開啲嘛，平時我都有聽佢喺屋企練歌。」
谷「Big籠包」
LisaS.昨日谷胸上陣，還自稱是「Big籠包」，她說很渴望戴鑽石bra，提到模特兒時有走光的問題，她說：「本地女仔會緊張啲，我就覺得冇乜嘢，好似今日戴啲咁貴嘅珠寶，我仲緊張啲，行完就即刻除低確保珠寶安全，如果唔係賠到我窮。」
採訪：MaggieLaw
攝影：ChanShunChing
