香港教師工作量大，為人師表絕對不是輕鬆工作，有中學要求老師下課後在學校附近巡邏，視察學生有否做出影響校譽行為，甚至假期也要「出更」，兼任另類「秘密警察」，偵騎四出搜刮舉止不當學生。
Sammy在港島東區一學校就讀，他說新學年開始，放學後老師會到區內商場巡邏，「7仔、網吧都巡，好鬼煩，試過有同學喺7仔用手機都俾人捉，搞到我要入公廁講電話先捉我唔到，我唔信佢哋連公廁都巡。」這名學生哥又說，日後連假期也不能放肆，「學校假期都會大肆搜索，着便服去網吧都唔得，一捉到就記小過，老師喺街上巡邏，真係干涉學生人身自由。」
網民對Sammy學校的措施猛烈批評，質疑形同監獄、更生中心，「啲老師咁得閒，不如返屋企改簿好過啦！」一名相信是老師的網民反指，他們在下課後在街上巡邏也是迫不得已，「如果唔係老校（校長）下令，我哋都唔會做呢啲嘢啦，大熱天時，留喺教員室嘆冷氣唔好？」
「去遠啲玩咪得囉」
另一教師也在討論區稱，若有得選擇，放假時寧願與家人去玩，他更提出避開老師貼士，「其實啲學生去遠啲地方玩咪得囉，唔通我會搭車過海查你咩！」