一向Mix都好吃香，中德混血兒貝安琪（Ankie），憑住鬼鬼哋的美貌，豐滿的身材，成功躋身「名模」之列。人紅自然多job接，剛由青島勁曬回港，就要連續幾日捱通宵趕戲，搞到皮膚暗啞、毛孔粗大，不過佢自有一套護膚心得，還居然學人講燥熱，話要謝絕垃圾食物，保養肌膚。
記者：盧家蕙
攝影：陳偉強
Makeup&Hair：Meegan
磨砂最緊要幼細
Ankie剛由青島回來，她笑着說：「好曬好熱，個妝溶晒，最慘係返香港後，發現皮膚暗啞咗，就算搽幾多護膚品都改善唔到！我覺得一定係死皮太厚令皮膚失色，所以就要用磨砂膏推走佢，試過用粒子太粗嘅磨砂膏，死皮走晒，但連塊面都紅埋呢！」因此，Ankie認為磨砂膏粒子一定要夠幼細，Est囗eLauder新出嘅磨砂膏，一搽上面就有熱力，毛孔自然擴張，污垢死皮輕易推走晒，thebestthing係連佢咁敏感嘅皮膚都可以用！
至於暴曬後毛孔粗大的問題，Ankie就話只是用媽媽嘅細緻毛孔精華：「佢好鍾意呢支精華素，更大讚用後皮膚會即時變得幼滑細緻。而我會用佢作妝前打底用，唔使再靠厚粉遮粗大毛孔，連油都出少咗！」
即時示範
最愛化妝扮靚
Ankie皮膚很細滑，原來背後保養工夫也不少：「我屬敏感肌膚，德國天氣好dry、好凍，要搽好滋潤嘅cream同飲好多好多水先保得住皮膚水份。香港雖然唔算亁燥，不過就燥熱，再食煎炸食物或肉類，對皮膚一定唔會好。幸好我食咗好多年齋，總之要靚得健康就要謝絕所有垃圾食物！」
當Ankie知道有makeupdemo後即變得精神抖擻：「我喺美國學過化妝，亦會幫朋友仔化，我仲會幫狗仔、老鼠塗指甲油！」Ankie迷上化妝原來始於highschool時代：「我好誇張㗎，返學都搽紫色、藍色、綠色眼影，唔sharp唔搽，因為我真係好鍾意化妝同扮靚！」
Steps
浪漫紫調
化妝師說Ankie五官標致，皮膚細滑，濃淡妝都carry到，今次就為她化上充滿秋日浪漫氣息的清雅紫調妝容，配上紅唇更是性感迷人！
Products
Est囗eLauder（22658014）