舒淇噚日聯同一眾靚女包括熊黛林、廖碧兒、LisaS.、AnaR.同陳嘉容，到尖沙嘴出席時裝展覽，佢哋仲同大家分享現代女性嘅家庭、事業同愛情觀。
看淡愛情
着住MaxMara低胸晚裝嘅舒淇話𠵱家事業擺首位，跟住係朋友同家庭，最後先至係愛情。唔知係咪受過感情傷害，佢對愛情睇得特別淡，舒淇話細個時唔使照顧家人，所以拍拖冇壓力，但𠵱家好多人等住佢養，兼且佢想拍到兩、三套自己滿意嘅電影，先至諗其他嘢喎！佢又話：「女人喺娛樂圈越做得耐就越殘，越難搵男友。」不過，佢仍然對自己充滿信心。
幾位嘉賓仲分享佢哋珍藏嘅照片，熊黛林就攞咗張海洋公園相出嚟，馮仁昭問佢有冇珍藏郭富城嘅肌肉照？佢話自己過咗追星年齡，冇咁無聊儲明星相喎！
