偶爾都想在家中豪一次煮鮑魚，亁鮑閒閒哋要熬一日一夜，睇火都睇到金睛火眼，咪搞！Next！
罐頭鮑，又係至少要煲6個鐘先至夠腍好味，煤氣費好襟計啫！Next！
鮮活鮑，價錢較平（約$50/隻），起片加薑葱炒，不用10分鐘食得，快靚正！「活鮑要切薄片快炒，長時間烹調令肉質變韌。」半島酒店嘉麟樓劉總廚話口未完已經炒好上碟。
記者：趙珮倩
攝影：楊錦文
烹飪指導及場地：半島酒店嘉麟樓總廚劉秉雷（23153160）
劉秉雷師傅
入廚年資：30年
身為半島酒店嘉麟樓總廚劉秉雷，曾於杜拜、北京及廣州等地多間五星級酒店擔任大廚，擅長烹調傳統粵菜之餘，更將粵菜精髓加入其他元素，配搭出創新菜式。
威水史：曾多次參加香港旅遊發展局舉辦的「美食之最大賞」，並在不同組別中屢獲殊榮。
鮮活鮑揀煮切
豎毛最鮮
揀活鮑魚要揀新鮮貨色，見到鮑魚唇邊的毛茸在水中豎起。攞上手鮑魚身仲識收縮，肉質有彈性，咁就係靚活鮑。菲律賓、南中國海域一年四季都有大隻鮑魚供應。
清走潺物
切到最薄
薑葱爆活鮑片
4人份量
0hr25min
材料
材料：活鮑3隻、薑/葱/蒜茸各適量、鮮草菇3両、糖/生抽各1/3茶匙、鹽1/2茶匙、麻油/雞粉各少許
埋芡：糖1/3茶匙、鹽1/2茶匙、雞粉/生粉/麻油各少許、蠔油1/3茶匙
做法
1.活鮑洗淨切片，以少許糖、鹽、生抽及麻油撈勻，隨即準備下鑊。
2.爆香薑及葱，下鮑片以慢火略炒至微微收縮，盛起備用。
3.鮮草菇略炒，以鹽、糖、雞粉加少許清水煨入味後備用。
4.再爆香葱及蒜茸，鮮草菇及鮑片回鑊，埋芡炒兜即可。
貼士
鮑片不需醃太久，否則失去鮮味。煮時油溫大約維持60℃至70℃，以慢火快炒5分鐘，不可超過7分鐘，否則會令鮑片變韌。
讀者Joanne：點解鮑魚要切到咁薄？
劉師傅：切薄片可以快熟，避免長時間烹調令鮑魚肉質變韌。
松茸蓮子扣羊肉
4人份量
0hr40min
（未計浸松茸時間）
材料
羊柳4両、亁蓮子3錢、葱適量、亁松茸7錢
醃料：生抽/糖各1/3茶匙、麻油少許
芡汁：蠔油3茶匙、糖1/2茶匙、生抽3茶匙、生粉水適量
做法
1.羊柳醃30分鐘；蓮子以熱水焗30分鐘，去芯備用。
2.松茸預先以水浸3小時，留起面層較清淨的浸水備用。
3.燒熱鑊下油，將羊柳煎熟盛起備用。
4.爆香葱，下松茸及松茸水後埋芡，羊柳回鑊，最後加入蓮子兜勻即成。
貼士
回鑊，最後加入蓮子兜勻即成。
將木瓜打茸混合醃料來醃羊肉，可令肉質更軟腍。
讀者Ella：點解蓮子要去芯？
劉師傅：去芯蓮子冇苦澀味嘛！
菠蘿蝦皇卷
4人份量
0hr15min
材料
急凍大蝦6隻、菠蘿1片、糖少許、菠蘿汁100毫升、生粉適量
做法
1.大蝦從背部劏開挑腸，拍扁及蘸上生粉。
2.菠蘿切大塊，捲上蝦肉，放滾油炸至金黃。
3.燒熱鑊，下菠蘿汁及糖，以生粉埋芡，淋上蝦卷即成。
貼士
埋芡時，生粉分幾次逐少落，否則好易煮過稠。
生菜片鴿崧
4人份量
0hr20min
材料
鴿肉6両、冬菇粒4両、葱粒/蒜茸各1錢、冬菇1隻（切粒）、生菜片/鹽各適量
醃料：生抽1茶匙、糖1/3茶匙、生粉1/2茶匙、麻油/鹽少許
調味：蠔油1茶匙、生抽1/2茶匙、糖1/3茶匙、老抽11/2茶匙、麻油少許
做法
1.鴿肉切粒略醃；冬菇粒下鹽汆水，以白鑊炒亁後備用。
2.燒紅鑊下油，將鴿肉炒熟後盛起。
3.爆香葱粒、蒜茸及冬菇粒，鴿肉回鑊，下調味兜勻上碟，吃時包上生菜。
貼士
炒鴿肉一定要燒紅鑊，否則肉會出水和黐底。
跟劉師傅學廚藝
想親睹劉師傅更多精湛廚藝示範？半島酒店於9月18至22日舉辦「名廚烹飪班」，由劉師傅親自主持，一連五日的課程包括海鮮烹調、簡易素菜、家常小菜及廚師精選，學員除可參觀半島酒店的廚房，又可品嚐當日學習的菜式及享用午膳，收費每位每日為$1,000，每課堂限招15名學員，現尚餘少量名額，報名要快。查詢：23153142
買定料明日教你煮
擦出前一丁
出前一丁1個、紅葱頭4粒、洋葱1/2個、蝦亁1/2両、蘆笋2條
雙春鵝肝飯
法國鵝肝1件、雞蛋2隻、日本米或珍珠米1/2杯、麵粉少許
食得招積，可以用日本雞蛋，不論標榜低膽固醇還是多維他命E，蛋味都較內地蛋香濃，而且體積較大，營養更多。不過價錢較貴，約$30半打。
柚子汁半生熟牛柳
日本或美國牛柳2條、日本柚子1個、米醋1,200毫升、日本豉油800毫升、京葱3條