原來叫人幫手買飯盒都要小心。網民「hong_kong」的上司經常要坐鎮公司，不能外出吃晚飯，要麻煩同事替他買飯盒：「其中一位同事出主意叫我哋唔使幫佢叫飯盒，將食剩嘅餸尾夾起，再叫盒白飯畀佢就得，咁做已經好一段時間，個上司幾好人㗎，真係「戥」佢唔抵，但又唔想做二五仔，點算？」
網友「怒之狂戰士」勸樓主：「你係咪有份分上司嗰份買飯錢？小心爆出嚟大家一齊死！」「有點心事」認為：「如果個上司係賤人嘅話，冇問題；但如果你真係覺得佢係好人，而你唔阻止你同事咁做，就係你嘅問題！」「hong_kong」好無奈：「嗰位同事係叔父輩，點出聲？我都有搞笑咁叫佢唔好咁做。至於餸尾盒飯，個樣都唔會太靚仔，上司有一次都問過，點解個飯盒會咁怪。」
「gutgutvs」建議：「直接同你個同事講：『你哋都玩咗佢咁耐，不如算啦，咁樣做始終會折福㗎！』」「cat103」也苦口婆心勸說：「如果換咗係你，你都想有人同你講啦。」