熱刺前鋒貝碧托夫拒受紅魔鬼誘惑，留低共患難，人人讚佢義氣仔女，點知一個屈尾十俾英國行家爆料，話佢係因球會肯由4.4萬鎊加薪到6萬鎊（約94萬港元）周薪至願留效；同時貝碧講明係「𠵱家」唔走，唔代表要喺白鹿徑掛靴，留條後路畀自己！人哋話男人發誓當食生菜，貝碧唔願亂發毒誓𠱁粉絲，好，我求大俠欣賞你！