原來不少網友都試過「不讓座予有需要人士」，結果心裏面一直都感覺不舒服。網民「扎鐵工」率先在網上認錯說：「試過一次見個阿伯上車，成車都係後生仔，得我一個西裝友，點知佢就只企我面前，嗰日唔知做乜，死都唔願讓個位畀佢，到𠵱家我仲記得當時情景。」
「classque」也試過：「如果行街行到攰、Ｍ到唔舒服，就唔會讓位，除此之外都會讓，但有次我好瘀，讓位畀個大肚婆，佢竟然話『我唔係大肚！』」「sales」則試過「有次坐巴士窗口位，想讓位嗰陣，俾坐出面嗰個人話：『讓咩位呀！你讓位咪麻煩到我！』佢係一語雙關話畀人聽，佢唔會讓位畀老人家坐！嗰次我真係唔知發生咩事。」「阿姆羅‧列」有所感慨：「你哋已經好好，有諗過讓座，𠵱家啲十幾歲或以下嘅細路，大部份完全冇讓座意識，真係睇見都眼火爆。」