張學友演唱會反應熱烈，主辦單位不停加開100蚊平位話益街坊，大會見到啲飛好賣，又乘勢追擊，宣佈由今日開始又加開百幾個100蚊位，呢啲100蚊位，係坐兩邊，大會講到明話會有遮擋，但就唔影響大家聽歌喎！此外，學友都好滿意成績，之前有兩場超時唔夠5分鐘，但紅館就話要罰錢，佢覺得大家應該有走盞餘地，咁樣俾人罰好唔抵喎！