29/08/2007.....
驟雨
最新動態
小弟呢個欄自面世兩個多星期以來，昨日網上點擊率竟居體育版第6位，證明坊間對有線呢個電視台嘅表現幾咁關注；我嘅意外程度，同蘇師傅幫佢哋賣西甲廣告一樣。牽牛話，如果連近期傳得好勁嘅朗拿甸奴投車仔成事，到時真係笑爆嘴咯。
呢個欄少講貼士，但今日要話畀大家知我全個禮拜，認定重心一注係今日傍晚嘅日聯班霸浦和紅鑽單W。日聯球星對港人嚟講都幾陌生，不過開賽時間好，又成日只攻不守開入球「大」，所以都幾受賭友嘅歡迎；上個禮拜六經過投注站，仲見佢哋直播紅鑽對FC東京場波，只見數十人「岳」高個頭，昅實場內電視機，其實都睇得幾辛苦，不過你冇幫襯又冇人趕你走，仲可以涼吓冷氣，你話幾爽，今晚收工時間又有一番熱鬧景況。
兩隊波都睇過，對紅鑽中堅田中鬪莉王印象最深刻，無論喺紅鑽或國家隊都殺晒，今日睇怕要預支建行（939）嗰廿幾巴仙賬面盈利，博一注咯。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報