顏福偉（左）早前炮轟《TVB最受歡迎電視廣告頒獎禮》唔畀佢首《愛多80年》入圍，諗住抽起廣告。噚日佢喺商台舉行講唱會記招兼慶祝生日，無綫高層陳志雲（右）親身出席，仲會喺講唱會擔任講嘅環節。陳志雲不停大讚顏福偉，𠱁到壽星仔笑晒口話炮轟完之後冇事啦，當佢知道志雲用白花油，佢即刻話：「我邊敢得罪啲客！」仲話會繼續落廣告㖭。