唔知係咪姓黎嘅都寸得兩嘴，娛樂界有黎天王阿明俾人封金句王，而佢嘅同宗──電訊界別嘅數碼通（315）CEO黎大鈞功力就更加高，句句到肉絕無廢噏，繼叫人（3仔）拎啲機去填海，同「比喻」人哋（都係3仔）賣魚蛋粉，冇得同自己啲神戶牛柳比之後，噚日俾佢暗寸嘅，輪到3仔個親戚、近排勁推wifi嘅8號仔！
明踩暗寸好精警
鈞哥話：「係個網絡『渣』先至要wifi補救，如果真係有咁多個點（即係hotspot），仲使乜鬼selector，多鬼餘。」
咁數碼通有冇俾8號仔搶咁啲客吖？「我哋一向都有昅住佢哋，係有俾佢搶咗啲低端客，但佢啲highend客就嚟咗我度噃。」
真係鈞哥語錄，句句入肉，唔知今日8號仔派成績表，AA艾維朗會唔會還番一嘴俾鈞哥呢，呵？