張玉珊為無綫生活台節目《美麗大學》擔任主持，她會在一連13集的節目中教授觀眾美麗知識，更邀請Zing擔任嘉賓主持，教大家化妝技巧。昨日張玉珊、Zing以及一班「美麗學員」在將軍澳電視城舉行開廠拜神儀式。
張玉珊表示會在節目中介紹不少名牌子，因此得到不少贊助服裝，她說：「咁多集，都有成十幾萬衫贊助，其他首飾就要自己出私伙。之前去咗巴黎拍外景，我帶咗幾個人咁高嘅手袋去拍外景。」
袁彌明學嘢
袁彌明擔任「美麗學員」，有機會跟阿Zing學化妝，她說：「我十年前畀阿Zing化過，嗰時係拍廣告，唔知佢記唔記得。今次做學員可以免費跟阿Zing學化妝都好，聽講佢出面收好貴。」
採訪、攝影：楊潔雯