木村拓哉連日嚟喺香港拍攝陳英雄導演嘅新片《IComeWithTheRain》，前日佢唔使開工，夜晚就同工作人員到中環大嘆日本菜，之後就返中環東方文華酒店休息。噚日一早木村同李秉憲、余文樂等喺旺角朗豪坊寫字樓拍戲，佢喺十點左右到，佢架保母車故意駛入貨物起卸區先畀佢落車，以避鏡頭。到下晝5點左右，木村收工後就返咗去酒店休息。