前晚《兒歌金曲頒獎典禮2007》10首金曲中佔8首由無綫自己人包辦，其中佘詩曼連奪多獎成為大贏家，似有造馬之嫌，對此阿佘否認說：「仲有泳兒同關智斌佢哋都有份攞獎，TVB藝人佔咗8首，即係證明TVB嘅人唱得。」
吳卓羲失寵冇獎
無綫總經理陳志雲也否認頒獎禮自己人玩晒，他說：「因為舊年兒歌自己人唱得比較多啫。」但同是「自己人」的吳卓羲，前晚卻落選金曲，相反剛返無綫的鄧健泓卻打入十大，似證明誰人得寵或失寵，對此陳志雲說：「攞獎同卡通片受唔受歡迎好有關，況且我哋有核數師核實票數。」
此外，前晚頒獎禮請來不少昔日兒童節目主持擔任頒獎嘉賓，如《跳飛機》的Sunny哥哥黃汝燊和怪獸仔嚴秋華，以及《閃電傳真機》的朱茵和麥包等，新舊主持濟濟一堂，場面熱鬧。嚴秋華說：「我轉咗行做速遞行業，成10年冇亮相電視節目，我都好緊張自己會出錯。」
