向海嵐和戚黛黛昨日到新城電台接受訪問，兩人代表慧妍雅集宣傳本周五（31日）舉行一連三天的慈善義賣活動。開幕禮當天，朱玲玲及王愛倫等港姐會到場主持開幕禮，其他包括陸詩韻和陳法蓉等會有catwalk表演。
朋友無分性別
戚黛黛說：「到時會有福袋義賣，入面有我哋戴后冠嘅貼紙相，同埋我哋間中會去義賣攤位同人合照籌錢。」
另外，應屆港姐季軍周美欣被指對港男袁偉豪甚有好感，二人被拍到於街上密密斟。問作為師姐的向海嵐和戚黛黛會否教路如何避免惹緋聞，向海嵐說：「可能佢哋傾兩句，港姐都可以識男仔，或者有男性朋友，主要做番自己，唔好刻意做任何嘢，唔係又會被人話避忌。大家後生做朋友，朋友就梗係有男有女啦！」
採訪、攝影：王連連