動漫Maggie（李曼筠）、寇鴻萍女兒唐貝詩（Lydia）及陸詩韻昨日化身性感天使到九龍灣為PSP新型遊戲機做宣傳，三人穿上同款但不同色的天使裝束示人，吸引過百人圍觀，當中更不乏攝影發燒友。
昨日論養眼程度，擁有34D、24、33三圍的Lydia最搶鏡，她穿上一襲黑色天使裝，顯得波濤洶湧，又不時嘟嘴，成為風頭躉，反而擁有34E上圍的Maggie竟然無甚睇頭，不過她也十分識趣，在台上獻飛吻大賣可愛，至於陸詩韻就淪為兩人的陪襯品。
「連乳暈都遮唔到」
事後Lydia自爆沒有戴胸圍，僅以乳貼打底，她說：「因為頭先好急，連條裙都啱啱縫好。今次個job係媽咪接，都有五位數字酬勞，件衫都OK，接受到，唔着衫就未夠膽，真空上陣都會好驚。」被搶風頭的Maggie則說：「件衫cupsize好細，着時連乳暈都遮唔到，所以我先臨時加多啲羽毛，我唔會刻意為搶鏡而露多啲，唔走光係大前提。」她又透露近日努力減掉10多磅，猶幸上圍沒有縮水。
此外，Maggie昨日與譚俊彥及冼色麗在葵芳宣傳新片《地獄第19層》，譚俊彥的媽媽陶敏明與林青霞是多年知交好友，但最近有傳這對好姊妹反目，又指林青霞要睇精神科醫生，對此譚俊彥代母澄清說：「佢哋係40幾年好朋友，點會反面？睇精神科都唔代表乜，女人有經痛或者更年期都會睇精神科，係好普通嘅事。」
採訪：駱華齡、魯平
攝影：葉君海
