林師傅話農曆七月一日，無錯係鬼門關大開，不過原來鬼都有分等級，喺七月一日呢日開放日，只有行為良好嘅靈體可以上到凡間，而在七月半，才正式開放給全線靈體凡間遊。「以前七月半係叫中元節，唔知幾時開始變咗七月十四係鬼節。」師傅話七月半全線開放，即係應該噚日先係自由行高峯期。
文：嘴嚼爺
除此之外，師傅話揸車避免撞鬼，最佳方法係唔好着黑色或深色衫，另外亦唔好俾頭髮遮住額頭。咦？咁戴住個頭盔嘅鐵騎士咪揩晒嘢？「哈哈，其實都係㗎，因為額頭把火係好重要，遮住咗一定差啲。」師傅仲話綠色車因為金剋木，仲易撞嘢，咦？我着黑色衫梳古巨基頭笠埋個頭盔、仲要揸架綠色Kawa喎，放工早啲返歸食飯陪阿媽喇，唔好咁快日落呀！
林師傅最後醒多一招畀《蘋果》讀者，佢教大家去香燭舖買張「百解」，好似抹車咁掃勻成架車，留意掃嘅方向係向外，林師傅話咁就可以掃走啲陰氣喎。佢仲話之前有個客講過啲陰森經歷，話試過突然見到後座坐咗個軍人，仲識對住佢騎騎笑，嚇到要搵林師傅，之後林師傅就係醒咗呢條解救炒方畀個客，等我心神定番啲。
嘩，佢個客遇埋啲咁嘅嘢，真係聽見都心寒！
林師傅簡介
林千博師傅，現為中國古代玄學文化中心、澳門淳風道玄學會及美國皇極術數會總顧問，是有線靈異節目《怪談》的客席主持。