金牌公司新寵兒唐素琪被欽點做Epson打印機代言人後，日前佢出席呢個品牌宣傳活動時，金牌高層陳輝虹特地陪同佢一齊到場，可見金牌老闆黃柏高對呢位新女嘅重視，喺活動上佢話自己剛出道，就可以成為咁出名嘅品牌代言人，當然開心。佢又話喺學生時代已開始用打印機，而且都係選用呢個品牌，𠵱家做咗代言人，可以得到打印機贊助，真係更加方便。