鄭裕玲（嘟姐）獲香港個人資料私隱專員公署委任為「保障私隱特使」，昨日她以特使身份出席「私隱關注運動」開展儀式。嘟姐建議大家首先要自我保護個人私隱，她說：「好似銀行賬單同月結單，我建議大家用碎紙機將睇完嘅賬單碎咗佢，以免不法之徒可以盜用你嘅資料。」
讚傳媒已收斂
嘟姐認為每個人都有自己的私隱，她跟男朋友呂方之間都會有私人空間，她說：「係人都會有私隱，不過都唔係乜嘢大私隱，我諗到𠵱家都已經冇嘢係大家唔知，就算係身家都知，有時我又會幫佢投資，所以其實我哋冇乜大私隱。」談到傳媒侵犯藝人私隱的事，嘟姐說：「最近睇到好多新聞，媒體都好似收斂咗。我覺得如果有事可以直接問我，如果我唔想俾人知，請大家尊重我嘅私隱，唔好作，我有好多唔係呢個圈嘅朋友，都唔鍾意睇呢啲新聞。」
採訪、攝影：楊潔雯