無論是模特兒、歌手甚至是當演員的女藝人，懂得跳舞絕對是一個優勢，年僅17歲的龔嘉欣（Katy），年紀輕輕，已是位舞林高手。去年曾於有線世界盃節目任「世界妹」的Katy，8歲起開始學舞，精通爵士舞、踢躂舞、東方舞與西方民族舞，任模特兒後曾拍攝地下鐵、Canon、麥當勞、PCCW和紅十字會廣告。Katy說：「我好鍾意跳舞，小學三年班已經開始學，最叻嘅係西方民族舞，攞過學界全港總冠軍，舞蹈嘅形態動作好靚，會令人輕鬆又開心之餘，仲可以喼弗㖭！」
打好基礎
今年剛中六畢業的Katy，已考進演藝學院，修讀為期兩年的戲劇文憑課程，並將於下月入學。對Katy來說，入讀演藝可說夢想成真，她說：「呢行有太多人競爭，個個都話自己係model、靠個樣或者講身材，我就覺得自己一定要先打好基礎，學多啲先入行，個人好似升咗level咁。」
Katy青春無限，自言演藝畢業才得19歲，有信心必定能在電影圈闖一番事業，Katy說：「我好鍾意做戲，做得演員嘅乜都肯試，無論係丑角、毀容甚至做垃圾婆我都冇所謂，但我最想演嘅係人格分裂角色，我覺得好有挑戰性。」
採訪：羅慧敏
攝影：林德雄
泳衣提供：PrivateShop
