吳雨霏、傅穎及鄧穎芝等一班新晉女歌手前晚出席太陽計劃活動，將大會tee改頭換面，性感示人，連顏福偉也玩露肉及攝位，但風頭始終蓋不過緋聞男女劉浩龍及鄭融，他們先迴避後大方合照，還有歌神許冠傑上台清唱打氣。
古巨基、楊千嬅、鄭融、劉浩龍及傅穎等一班歌手前晚在香港仔運動場演出港台主辦的《太陽計劃2007Let'sgo南區太陽夜》，眾新晉歌手同場，各出奇謀將大會T恤裁剪得面目全非，以搶風頭，其中江若琳露臍、鄧穎芝露腿、傅穎低胸、吳雨霏低胸露腰等，各領風騷。連顏福偉也湊熱鬧，在T恤兩側剪大洞，完騷大合照時，他又有意無意站在正中間，有攝位之嫌。
出賣朋友有報應
緋聞男女鄭融及劉浩龍同場出現，但兩人表現避忌，同台時又各據一方，後來二人分別接受訪問，劉浩龍被問到可願意與鄭融合照，他起初以尷尬為由婉拒。鄭融日前接受電台訪問，言談間似懷疑劉浩龍放料使二人戀情曝光，劉浩龍前晚謂不相信鄭融有此意思，他說：「識我嘅人都知我係點，我好細個時媽媽已教我唔好出賣朋友，有報應㗎，我相信所有朋友都會相信我。」他後轉軚肯與對方合照，還說：「人哋係女仔，你哋有乜嘢蝦我，唔好蝦佢。」
鄭融起初也謂覺得尷尬不願意合照，但為證自己沒指劉浩龍是二五仔，又改變主意，二人合照時不但互望，而且笑容滿面，鄭融還說：「公開影咗，以後唔好偷影呀。」
衛蘭盼專心唱歌
此外，前晚許冠傑到場後獲十多名保安保護，加上拍照記者包圍，排場似乎很大陣仗，他上台打氣兼清唱《學生哥》，事後他接受訪問，表示12月在大球場舉行個唱，打算開一至兩場。問許冠傑新晉歌手欣賞那一位，他答鄭融及陳奕迅。
衞蘭談到前男友Gordon接受雜誌訪問爆其私生活，她說：「都冇法，我理唔到咁多，只想全心全意做好嘢唱好歌，我點答都唔會有滿意嘅答案。」
採訪：胡比
攝影：陳慧安
