所謂逆境自強，祖雲達斯舊年因假波案被判跌落乙組，最後成功以冠軍身份升班，上周六重返甲組首仗即大炒利禾奴；英甲列斯聯有望成「新祖記」，事關呢支昔日勁旅由英冠降至英甲，更因破產被判扣15分，好彩開季3連勝，上周六作客贏上季打入升班附加賽嘅森林。雖然列斯聯家陣仲-6分，但咁強勢，重返英冠並唔係夢想。