史篤城嘅法國球員佩列卡日前被判監禁4個月，話說佢舊年3月被捉到超速駕駛，於是話係自己個繼父開車超速。結果，英國警方查出原來佢繼父過去3年一直都留喺法國，於是，佩列卡就由超速駕駛罪變成妨礙司法公正。求大俠覺得佩列卡真係咎由自取，超速駕駛已經犯法，仲講個咁離譜嘅大話，反省下啦！