天晴
27/08/07......
最新動態
做得「粉絲」，有時係會進入唔清醒嘅狀態，當然我唔會儍到為自己愛隊阿仙奴作出瘋狂行為，但都冇同事法比奧咁理智（可看周日《蘋果波經》〈體壇大聯盟〉「場內場外」一文）。
近期多位同事忙於籌備《蘋果》webTV內容，我哋更邀得Rosa呢位口才了得嘅前商台足球節目主持幫手；佢唔係阿仙奴「粉絲」，但好心水清，一早就喺試播節目中提出冇咗基拔圖施華嘅阿仙奴，佢係唔會博上盤。我銘記佢呢個小貼士，前晚見呢個巴西通天老倌今季首次披甲，坐鎮中後場，即刻放心下注；結果感覺良好，睇得開心又贏到錢。
呢件事令我明白錢銀同感情都係分開啲好，我亦唔會衰到情感對冲，買曼城；但若然冇心水，齋打氣唔賭亦唔壞；好似今季我到現在仍唔捨得，好似過去幾年，用700幾蚊買一件印球員名字嘅阿仙奴新波衫，但隊波開季被睇淡下反而踢得不錯，唔着新波衫，唔代表唔信佢哋攞唔到冠軍呀！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/