因為時間顛倒，Janice剛辭掉唱片公司宣傳的工作，做回「正常」文職。以往做明星保母的她，生活無時定，即使喜歡煮兩味，拜過師入廚，吃得最多的，除了快餐，就是半夜三更煮雪櫃中的剩餘物資，「起碼係自己煮，好味又有益，一個人食都好豐富㗎！」
記者：廖秀娟 攝影：林栢鈞
示範場地：名廚烘焙
半夜煮飯 只會蒸唔會嘈
Janice在英國留學2年半，又是在那個時候學會做菜，「嗰時識到好多外國同學，得閒就各自煮嘢一齊食，墨西哥同學做的肉醬意粉及沙律好好味，希臘同學的羊芝士沙律及肉丸，𠵱家都好記得，內地同學做的山東包及餃子，好食到不得了！我學咗唔少嘢，𠵱家我做的餃子人人讚，都係跟佢哋學㗎咋！」
不過，Janice回港後當上電台公關、曾是謝安琪及孫耀威的保母，經常半夜兩、三點鐘回家，想自煮很困難，「夜晚唔可以太嘈，我盡量蒸同煮食物，一個人又好難煮太多，我多數會整炒飯、蒸蛋、煮菜，雪櫃有咩就煮咩，都做到好好味㗎！」
入廚年資：7年
入廚資歷：留學2年半期間，學曉聯合國餸菜；在港正式學過整3次甜品及蛋糕製作
撚手小菜：喇沙、餃子、番茄炒蛋
番茄炒蛋
0hr15min
Janice的番茄炒蛋跟一般的不同，她先煎蛋角，炒好番茄才下蛋壓爛浸煮，蛋的口感較強。而以片糖代替砂糖，「嫲嫲教㗎，佢話咁樣有益啲、清甜啲，我一直都係咁煮。」
材料
番茄1個（切4份）、洋葱1/2個、蛋2隻、片糖1/4片、茄汁3湯匙、鹽少許
做法
1.蛋拌勻，下油鑊略煎至7成熟，盛起備用。
2.起鑊炒香洋葱，下番茄兜炒至微微出水，下茄汁、片糖及鹽同炒。
3.至片糖完全溶解，下蛋角同兜炒，蛋剛熟及吸有番茄汁便成。
貼士
片糖太大片不容易溶解，可先拍碎或壓碎，否則番茄可能煮亁水。
可樂雞翼
0hr20min
雪櫃經常有雞翼、可樂，最易煮到，但可樂雞翼唔易煮得好食，一係可樂味唔夠，一係就甜得滯。
材料
雞翼6隻、蒜頭1粒、亁葱頭1粒
調味料：可樂1/2罐、老抽2湯匙、生抽1湯匙、片糖1/6片
醃料：可樂1/2罐、鹽1/2茶匙、雞粉1/2茶匙
做法
1.雞翼用醃料醃1小時，入雪櫃下格雪15分鐘。
2.起鑊爆香亁葱頭及蒜頭，下雞翼煎炒至8成熟，加入調味料同煮至收亁汁液便成。
貼士
可樂只可用傳統可口可樂，百事可樂帶酸味，Zero或DietCoke的甜味不足夠，其他檸樂或士多啤梨味可樂都做不出可口味道。
冬菇飯
0hr20min
一個人煮飯，餸菜不多，飯本身都可以是一個菜。Janice經常煮冬菇飯，「雪櫃實有冬菇，冬菇有益又唔肥，加入飯煮夠香，加多一個餸已經覺得晚餐好豐富。」
材料
冬菇4隻、米1/2量杯、雞湯11/2量杯（量米用量杯）
做法
1.冬菇浸軟去椗後切粒。
2.米洗淨加入雞湯、冬菇粒，加水至剛蓋飯面少少，放在電飯煲同煮即可。
貼士
如果用珍珠米或日本米，要先用雞湯浸半小時，否則不容易入味，亦難煮透。
買定料 傅穎明日同你整甜品
泡沫龍井雪糕
龍井30克、呍呢拿Gelato雪糕1球
龍井茶香而清淡，能降血脂、膽固醇，很適合入饌。但用來煮菜、做汁的茶葉可不必用天價貨色，用一般的明前龍井（較新嫩的），味道已夠清香及嫩身。
酒釀杞子雪耳凍（8杯）
雪耳5個、冰糖50克、蒟蒻粉10克、杞子15克、甜酒1/4杯
檸檬牛油蛋糕
牛油125克、糖80克、麵粉110克、發粉1/4茶匙、蛋2隻、檸檬香油1/2茶匙