早兩日以「燈神」身份出席我哋蘋果網上嘅《拉闊足球場》節目，同丘仔、MikeChan等主持傾吓波經，覺得幾好玩。但畢傑近期連中兩口「英超早飛王」，又貼中挪威贏阿根廷同西維爾贏皇馬等冷嘢，點解仲叫我「燈神」？會唔會係代人上去呢？我好豁達嘅，算數！
英超周六、日係咁直播，睇到我有啲厭，為咗唔掂足球，畢傑呢排少咗踢波。於是放工同友人「十八積」去打枱波，點知第1鋪即炒佢70度，仲要未計打晒colour波。呢啲咁一面倒嘅戰情，維拉今晚做得到。
主客和：阿士東維拉勝
心得：我「弗」
近5場往績：贏贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。