籮霸珍妮花洛庇絲（JenniferLopez左）最近同美國止汗劑公司Secret合作，舉辦咗一個舞蹈員試鏡大賽，勝出者可以喺佢新MV中亮相，前日籮霸就去到紐約為賽事擔任評判，被問到冠軍要具備乜嘢條件時，佢話︰「要跳得，夠台型，不過最緊要亁淨！」果然識幫贊助商賣廣告！之後籮霸仲要去到芝加哥及邁阿密等地做評審，比賽9月尾先有結果。