湯盈盈昨日出席《兒歌金曲頒獎禮2007》的拜神儀式，她主唱的卡通片《我們這一家》主題曲《Wearefamily》成為候選金曲，自言恨攞金曲獎的她，未知今次可否沾花師奶的光令她再下一城？
湯盈盈、鄭丹瑞和曾華倩等藝人昨日在將軍澳電視廣播城為今晚舉行的《兒歌金曲頒獎禮2007》進行拜神儀式，眾人誠心上香，祈求演出順利。
盼唱劇集主題曲
由湯盈盈主唱的卡通片《我們這一家》主題曲《Wearefamily》成為候選金曲，年前盈盈在《阿旺新傳》中飾演醜女李笑好而人氣急升，未知今次可否沾花師奶的光令她再下一城。盈盈表示尚未找到適合的衣服出席頒獎禮，令她甚為着急，她說：「呢首係我第一首兒歌，唱完真係多咗好多小朋友同媽咪fans，之前都好勤力出席咗幾個活動為呢首歌拉票，如果有獎攞梗係開心，我希望遲啲可以唱埋劇集《第三類暗戰》嘅主題曲啦。」
湯盈盈續說：「我嘅電話鈴聲都用《Wearefamily》，因為呢首歌係由我主唱嘛，又係第一首我自己一個人錄嘅歌。個鈴聲係朋友send畀我嘅，佢話𠵱家好多人用呢首歌做鈴聲，連我自己都有啲唔敢相信唱兒歌都可以有咁好反應。」
曾華倩臨危受命
肥姐沈殿霞已經擔任《兒歌金曲頒獎禮》司儀多年，今年因病而未能擔任司儀，由曾華倩頂上，她說：「唔好咁講，我點代肥姐呀，我今年係兒童節大使啫。」曾主持兒童節目《430穿梭機》的曾華倩表示，如今的小孩較以往的更醒目及幸福，問到她當年與周星馳一起擔任兒童節目主持時，可有見過對方「恰」細路？她說：「係打成一片，啲細路又俾佢搞到好開心喎！」
採訪：卓美娟
攝影：陳俊強
