今屆貼英冠開季兩連敗，自認有點失望，不過，我有必要同有責任堅守呢個城池，其實剛過去禮拜日已貼中狼隊贏錫周三，咁快對我冇信心？賭波同股市一樣，睇長線啲好啲。所以，今期我仍推介兩支英冠實力份子錫菲聯同查爾頓周六贏波。
錫菲聯同查爾頓目前都喺英冠1和1負，未開勝門，錫菲聯喺周六夜場迎戰西布朗（球賽編號：星期六54；無綫收費電視998及now898台直播），足智彩仲開錫菲聯[-1]，一於逆思考要錫菲聯的2倍單W。
西軍兩主將或走頭
畢竟，論人腳同埋實力，錫菲聯都稍勝一籌，而且新加盟西布朗嘅翼鋒布拉特仍要停賽；加上要留意西軍兩件中後場貴價貨，居廸斯戴維斯同保羅羅賓遜，隨時在轉會市場關門前被英超球隊挖走，今場突然唔出都未定，喺軍心不穩嘅情況下，錫菲聯喺時候打開今屆聯賽勝利之門。
至於錫菲聯嘅同市球隊錫周三，今屆演出走樣；喺周六訪查爾頓時，仲有前鋒謝菲斯因傷倦勤，梗係捧炮手眾多、仲或有中國國腳鄭智正選上陣嘅查爾頓聯賽開齋啦！至於狼隊，今屆個人暫時頗為看好他們的前景，今仗有信心他們在主場大炒升班馬黑池，後者開季1勝1和，睇番軍情，似虛火居多。
英超就點都捧愛隊阿仙奴，出番艾廸巴約，尹佩斯會好踢得多；列文同加拿斯受傷，今場會以攻為守，失波就預咗，但入球會補番數，單W加「大」都幾有信心。
近5場往績：輸輸
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。