薛凱琪（Fiona）與周麗淇（Niki）前晚於九展演出音樂會，二人分別落台派禮物玩親民，露螢光bra帶的Fiona最受歡迎，其次是方大同，Niki則反應一般，她穿跌膊衫加四猛男獻唱時，欲搶回風頭，可惜臨尾香被發現是咪嘴演出。
薛凱琪、周麗淇、方大同及新人周柏豪，前晚於九龍灣展貿演出「JuicyFruitX頭號人物混合唱」音樂會，穿背心裙的Fiona打頭陣出場，露背兼跌螢光綠bra帶，後來幾位歌手分別玩親民落台派禮物，其中以Fiona最受歡迎，歌迷不停湧上前，場面有點混亂，但包圍Niki的歌迷竟不及方大同多，當Niki走進人群時，她突然大叫一聲，事後問她是否被胸襲，她笑說：「唔係，俾人扯一扯啫。」
舞姿硬似機械人
後來Niki穿上斜膊衫在四名猛男伴舞下獻唱，但其舞姿生硬，有點像機械人，她唱最後兩句歌時沒有開口，但現場仍有歌聲，咪嘴露出馬腳，事後Niki接受訪問時否認說：「我將支咪離遠啲唱大聲啲啫。」
Fiona談到緋聞男友房祖名稍後要到台灣，而她日內也到台灣籌備國語碟，她說：「台灣佢熟過我，叫佢帶我去食嘢囉。」方大同大讚祖名作曲有才華，Fiona附和說：「佢係好有才華，加分㗎，我不嬲都話佢係good男仔，方大同、張敬軒同周柏豪都係有才華嘅好人，個個都咁好，唔通我要結10次婚咩？」
祝福祖名爭影帝
至於祖名憑《太陽照常升起》爭威尼斯影展的影帝，Fiona說：「我有恭喜佢，攞到咪請佢食飯，或者打電話畀佢啦，我怕佢忙得滯。」
採訪：李珮洳
攝影：仇志德
