劉心悠自認缺乏安全感，所以只會愛上年紀比自己大的男人，只要對方疼自己就可以。但世事豈能完美？找到心中所愛，另一半卻選擇背叛，不敢面對現實的心悠曾傷心得閃過報復念頭，但沒有付諸行動，只有在新戲中殺壞男人宣洩情緒。
舊約聖經裏的《出埃及記》，記載神如何拯救在埃及為奴的以色列人；彭浩翔執導新片一樣名為《出埃及記》，題材亦與救贖有關——拯救壞男人身邊的女人，唯一的方法就是：殺！
報復出於傷心
劉心悠與任達華在戲中飾演老夫少妻，心悠發現丈夫搭上溫碧霞，一怒之下加入殺夫組織大報復。心悠說：「以前都有懷疑過男朋友背叛自己，當你好傷心嘅時候自然會諗過報復，我相信好多人都會，但唔會付諸行動。」
如果懷疑另一半背己偷歡，心悠會選擇逃避不去查證，可是一旦對方偷食斷正，她卻絕不心軟：「我會同佢慢慢傾，睇吓問題出喺邊度。如果佢約會一個年紀比我細好多、或者佢需要嘅係一個百分百聽佢講嘢嘅女人，我覺得我真係改唔到，不如結束呢段關係。」
現實中不敢向負心人報復，惟有在戲中盡情發洩。有場戲講述心悠目擊任達華偷食後，傷心得癱瘓在洗手間的地上痛哭。心悠憶述：「當時導演仲講解緊場戲，我已經投入到忍唔住係咁流眼淚。以前我有懷疑過男友不忠，但都冇喊，所以拍完之後好舒服，好似將自己所有感情發洩晒。」
被呃花容失色
雖然心悠甫出道已當主角，但從沒有人教她演戲，加上不諳廣東話，故此壓力更大。在早前公佈的第12屆香港電影金紫荊獎，《出》片連獲10項提名，女主角卻落空，其實心悠早已表明沒想過捧獎：「我從來唔會諗攞唔攞獎，但會對自己個角色有要求，會花更多時間準備。」
為了給心悠減壓，導演竟聯同編劇卓韻芝等整蠱她，指該片改編自真人真事，嚇得心悠花容失色：「後嚟先知佢哋呃我，佢哋仲拍低開會當日嘅情況畀我睇番。」
採訪：吳佩思
攝影：陳慧安
服裝：SistyrMoon
髮型：WillieLeung
化妝：AnnieG.Chan
