23/08/2007.....
天陰有雨
最新動態
做人要喺適當嘅時候懂得放手，肯認輸肯認低威，先有成功嘅一日；老是不服氣，人家好言相向也聽不入耳，注定要做失敗者。
炒輸窩輪，走去恐嚇女主持之前，應該先問吓自己，點解要信呢位股壇初哥？定係被佢美色迷惑呢？唉，紅顏禍水呀兄台！
死追法甲馬賽開齋，禍延法國國家隊比賽，終要承認兩度斷腳嘅施斯實在無復當年之勇；由佢前晚單刀對住龍門「撻Q」嗰個尷尬表情，我決定不再浪費彈藥追馬賽反底。
曼聯嘅阿根廷國腳後衞軒斯喊走，要投紅魔死敵利物浦，不惜訴諸法律，依然不能得逞；其實人家已見異思遷，又不是人財兩失，執番過億港元，何不放手？鬥氣？幾無謂！幸好自己身邊有一、兩個知己，行錯路、買錯波都有人提點，多謝晒！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報