24/08/07.....
天晴
最新動態
男人擔心冇老婆冇錢冇份好工外，最驚可能就係脫髮，就算足球員亦難逃此劫，不過大不了咪學施丹，地中海少年變光頭佬。昨凌晨睇波，我發現一位其貌不揚、但勇冠全場嘅球星，瑞士左閘兼隊長麥連。
麥連年屆28，但因脫髮關係，外表比真實年齡衰老得多；但有睇直播嘅球迷，可能會認同荷蘭輸波，同呢位效力德甲史特加嘅守將勇猛有關，只見他全場盯緊尹佩斯，搞到對手無法專注踢好波；又不斷同球證投訴拖時間，班荷蘭生牯仔真係俾佢玩榭！瑞士今場表現確認進步良多，明年歐國盃咪睇小。
中年男人要證明仍有魅力心中有團火，不在於外表，只不過脫髮嘅人自我形象較低，走起路來縮吓縮吓。專注工作，積極表現自己，好事會續來，你睇吓廣東省最紅講波佬就明白晒，何必幫襯森美呢？
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報