「保分」家陣形象負面，係人都睇得見，話說佢風光嗰陣，個個名牌爭住sponsor佢，由頭到腳都唔愁冇靚嘢，但唔知佢係有節儉美德定份人根本貪便宜，喺當年佢仲呼風喚雨嘅時候，已經有鋪癮趁返上海做嘢時，去當地出名賣剪牌名牌甚至係A貨嘅長樂街掃貨。
有啲有錢人買完A貨唔介意認，但「保分」當然係死充嗰隻啦，佢恃住自己嗰些少知名度同骨架，俾人懷疑都梗係死撐話係正貨，仲大口氣話啲名牌恨不得送衫送袋畀佢，之不過佢又實在太迷呢條A貨林立嘅長樂街啦，佢天生咁嘅模特兒身材就算拉到頂帽幾低都俾人認出啦。
撰文：阿蘇
本欄逢周一至六刊出