「點解欣宜要減肥？」睇完荷李活歌舞劇《戀愛大爆髮》預映場後，腦海都浮現呢個問題，因為女主角翠絲，係「啖啖肉」嘅肥妹，唔似扮佢「阿媽」嘅尊特拉華達咁裝假狗；但憑住扭到好似觸電咁嘅肥腰，同埋敢愛敢恨性格，成為明星仔。戲內另一搶眼角色係黑人女歌手，跳得又唱得。
戲票40張 先到先得
套戲講60年代嘅美國，個白人肥妹同一班黑人合力爭取人人平等。徐娘半老嘅MichellePfeiffer戲入面衰到冇人有，歧視肥人黑人出晒面。
不過，幾十歲人仲咁fit嘅Michelle，喺現實世界先係女主角，現實總係殘酷，所以欣宜先要減肥。
《戀愛大爆髮》9月6日公映，電影公司老友送出9月2日喺UA黃埔戲院嘅特別場戲票40張，各位可以填上姓名、聯絡電話及「蘋果消費BLOG讀者索取禮物」，電郵去[email protected]登記，每人兩張，先到先得。
逢周一至周四刊出