港女經常被網民批評得體無完膚，原來港男一樣缺點多，有網民列出廿項問題，讓網友選出港男十大缺點，網友「orchid73」體會甚深，笑說：「我預咗做老姑婆！」男網友感不忿，反指即使港男擁有所有缺點，只要有錢，港女一樣鍾意到暈！
網民「boo_angel」開宗明義在uwants討論區開帖予網友投票：「有港女討厭行為選舉，當然就有港男討厭行為選舉啦！男女平等嘛！」網友「orchid73」響應投票的同時，還幽港男一默：「死啦！唔夠投喎！」uwants規定最多只能列出20項，其中港男常見缺點包括當街「採礦」至面容扭曲、體臭、爆粗講手機、大模大樣打尖、思想過時、嫖妓、孤寒等。
思想落伍又自卑
有網友認為這些缺點是港女至愛：「你去老蘭見到啲有錢仔，拖住靚女，佢成身酒味周街嘔，大聲鬧女仔，打電話又爆粗，吸煙、吸毒咁又點？啲女仔咪又係黐埋去！」「agl」立即表態認同：「認同呀！仲要係靚女，總之有錢就乜都得啦！」「leah的支持者」則唱反調：「呢啲事小弟全都唔會做，本人身為男仔都覺得核突！」「sweetje」認為港男不但思想落伍，而且「自己又自卑」。「wythe123」以事論事：「客觀而言，好多行為女仔都會做！」