自古英雄配美人，但森美這個大將軍卻被安排與小儀飾演的翻版「火雞姐」成婚，結果將軍由中國逃到意大利，展開一段驚天動地笑到碌地的愛情故事，森美小儀歌劇團新劇《LokamochiMamiba》也由此展開。劇中森美難逃被處女登場做女主角的小儀情深一吻，不過聲帶受損的小儀或要打針上陣。
森美小儀歌劇團新劇《LokamochiMamiba》（「落街冇錢買麵包」）將於9月21日假理工大學開鑼，今次更是首次公開發售門票，為增加叫座力，歌劇團決定出動秘密武器──小儀處女下海，擔任女主角。
揶揄女主角唔使靚
森美笑說：「其實真係好耐冇試過用森美小儀個名掛頭牌，而且今次個女主角唔需要靚，有啲似《食神》裏面嘅火雞姐，同我飾演嘅大將軍仲係指腹為婚㖭。」
那麼森美與小儀可有親熱戲？森美說：「有場接吻戲囉，我知小儀好耐冇錫過男人，咪俾個機會佢錫吓囉！」自言「受寵若驚」的小儀聞言即反駁說﹕「晚晚錫你唔知啫！」
今次舞台劇將《帝女花》與莎士比亞名著《羅密歐與茱麗葉》來個crossover，故事講述森美飾演的大將軍為逃婚，隻身由中國來到意大利，途中遇上不少在莎劇裏常見到精靈，由何韻詩、周麗淇、鄧麗欣、王菀之及容祖兒分別扮演，以往小儀慣演的搞笑戲份，如今悉數落在眾女歌手身上，森美說﹕「當為小儀出番啖氣啦﹗」
由於今次演唱的歌曲由粵曲至歌劇都有，故兩人近來勤加練習，早前更請來著名男高音莫華倫親授一堂「速成班」，小儀說﹕「我把聲帶壞咗，今次要演好多場，如果到時唱唔到，就要每場演出之前打針，其實咁樣對把聲仲傷。」而森美也請來功夫小子樊少皇為他編排武打招式。
拒絕奪商台新人獎
最近森美與DJLeo、陳強及細So合組BoyBand，還推出EP，成績不俗，森美說：「唱片公司話隻碟賣得好好，希望可以再出碟或者開演唱會。」問可有信心奪樂壇新人獎，他說：「商台嘅獎就唔會攞喇，但隔籬台頒嘅就會攞！」心水清的小儀即說：「隔籬台都冇播過。」
採訪﹕吳佩思 攝影﹕葉君海
