吳彥祖（Daniel）當年與陳冠希（Edison）因為MaggieQ，導致兄弟反目成仇，自此兩人沒再一起合作拍戲，但前晚Daniel主演的《天堂口》舉行首映，Edison竟然到場，但他聲稱來捧舒淇場，還刻意待所有人進場才現身。
陳冠希、吳彥祖和MaggieQ當年曾合作電影《特警新人類2》，Edison和Daniel更成為好友，後來傳出Edison「勾二嫂」，搶了好友Daniel的女友MaggieQ，兄弟從此反目，雖然曾有朋友想為他們調停，但Daniel拒絕修好。
稱捧舒淇場
前晚電影《天堂口》在灣仔會展舉行首映，幾位主角Daniel、舒淇、劉燁和李小璐均有出席，其他嘉賓還有何超儀夫婦、溫碧霞和林峯等，當所有嘉賓進場後，才見到陳冠希面紅紅的與友人到來，似乎想避免與吳彥祖撞個正着。問Edison為何面紅紅？他說：「頭先同朋友食飯，飲咗啲酒。」有記者問他是否來捧Daniel場？他說：「唔係，我嚟捧舒淇場，係佢畀飛我嚟嘅。」
舒淇穿上Bluegirl紅色晚裝亮相，所佩戴的首飾價值約240萬元，由VanCleef&Arpels贊助，她說：「原本贊助商話贊助成千萬首飾，但我唔敢，因為要承受太大壓力。我好鍾意鑽石首飾同古董，之前我簽寰亞，老闆都送咗對名貴耳環畀我，但我冇耳窿，所以都未戴過。我收朋友送嘅鑽飾都有限度，戒指唔會亂收，因為有特別含義。」問舒淇對於有份演出的張震缺席首映，會否很失望？她說：「點會，係你哋話佢係我緋聞男友之嘛。」
不再玩滑板
另外，早前在美國傷腳的吳彥祖已不需用枴杖，他說：「醫生話下月中應該可以正常行路，今次受傷，累我推咗兩部戲，最快要11月先可以再接戲，女友都話我唔聽話，33歲仲玩滑板，所以以後唔會再玩啦。」散場後，一班演員到了尖沙嘴舉行派對，舒淇換上便服，不過陳冠希就沒在派對出現。
採訪：魯萍
攝影：陳俊強
