吳亭欣、袁彌明及陳穎妍等前晚在灣仔會展出席《快樂尋回犬》首映禮，見吳亭欣右腳受傷，她表示是早前學潛水時弄傷，她說：「之前同葉德嫻合作，佢話有時間一齊去澳洲潛水睇鯊魚，所以趁有空檔抽時間去學，點之扭傷腳，我下星期考初級潛水牌，不過傷勢應該冇乜大礙。」
袁彌明遭問候
此外，袁彌明透露早前跟ILoveYouBoy'z往廣州拍攝一個整蠱人的節目，她指內地人比香港人更加玩得，她說：「我哋呃佢哋話自己係星探，搵可造人才，叫佢哋耍功夫同跳舞，佢哋都照做。不過有啲唔玩得，就會用粗口問候，所以我哋準備咗啲禮物，會即刻送禮物畀佢哋做補償。」
採訪：張俊銘
攝影：陳慧安