陳可辛執導的電影《如果．愛》，前年代表香港報名角逐美國奧斯卡最佳外語片候選資格，最終落選收場；今年他憑新作《投名狀》捲土重來，但這次是以中國代表身份報名，為了配合奧斯卡的已上映電影才能報名的規定，該片必須於9月底前在內地上映一周。
由陳可辛執導、劉德華、金城武及李連杰主演的電影《投名狀》，將於聖誕檔期上映，但因該片打算報名角逐明年的美國奧斯卡最佳外語片，為符合大會已上映電影才能報名的規定，故下月30日前必須在商業戲院公映7天或以上，令《投》片必須提前上映一周，但現時影片還在做後期工作，陳可辛本人也表示不知能否如期在下月底弄出一個完成版上映。
明年初美國上映
陳可辛本希望可以慢工出細貨，做好新片的後期工作，但片商突然提出要報名奧斯卡，即時打亂了他的部署，昨日他接受電話訪問時說：「上個星期我將一個粗剪版畀啲老闆睇過，佢哋就話要將部戲報名參加奧斯卡最佳外語片，但初時我係冇呢個打算，所以想慢慢搞好後期製作，因部戲都有啲特技鏡頭，要花啲時間做後期，𠵱家突然要我趕個緊急版喺內地戲院做一個禮拜，夾硬係可以趕一個版出嚟，但肯定唔會係完美版。」
其實陳可辛是希望明年初在美國上映後，再報名奧斯卡，他說：「部戲出年初喺美國上映之後，唔單止可以報外語片，仲可以報埋其他獎項，我原本係想出年先報，但中港台三地要將部戲排喺年底上，如果出年喺美國上映完先報奧斯卡，老闆佢哋會覺得失去宣傳機會，咁部戲投資咁大，我點都要尊重投資者，所以惟有盡量趕個暫時版嚟應急啦！」
採訪：丁寧
