朋友對我真好，知我最近轉到煮食版「教人」煮餸，但自己又唔識煮，好多西餐食材連讀都未識讀，就千方百計幫我。
前日陪我玩完CookingMaMa，就話又有新Game玩，一隻光碟叫「我敢讀英語話題詞」，裏面有齊好多日常接觸到的外文，LV的LouisVuitton，飛甩雞毛的SalvatoreFerragamo……唔單止係英文，意大利、法文的日常社交詞彙都有。最好係裏面有一個飲食部份，有成幾十款食物或食材的名字可以學，梳乎厘Souffle、蝴蝶粉Farfalle、意大利雲吞Ravioli……對買食材、睇食譜、喺餐廳叫嘢食都好有用。
光碟用選擇題的形式教你，4幅圖畀你揀，答錯都會好易記得真正答案，即是好快學識啦！其實咁好用的教材，應該一早畀我啦！