詹瑞文前晚與太太甄詠蓓接受新城財經台訪問，宣傳下月9日在會展跟投資理財專家合作的一場棟篤笑《富爸爸笑爸爸》，不過表演只是供某銀行的客戶欣賞。談到今次與投資專家曹仁超首度合作，詹Sir說：「佢做咗投資咁多年，好有錢，但就欠缺我嘅笑，所以今次開騷佢好想要我嘅笑，我就想喺佢身上學吓點樣睇財富。」他又謂與曹仁超都在童年時捱過窮苦，他說：「曹Sir嘅經歷放入talk騷會幾有趣，仲可以教香港人點樣做個有錢人。」
屈蔡卓妍請客
此外，蔡卓妍憑《戲王之王》角逐第12屆香港電影金紫荊獎影后寶座，詹Sir對此說﹕「嗰日我喺廣州，知道佢攞咗韓國富川電影節影后，已經傳SMS恭喜佢，26號我哋會去北京做宣傳，到時再屈佢一餐慶祝！」
採訪、攝影﹕吳佩思