22/08/2007.....
天陰
最新動態
賭波玩法簡單，甚至只分「讓球」上下盤兩種，所以當你走入賭波人群，好多人都覺得自己貼士了得，兼成日話自己贏錢；若真有其事，馬會唔會每年有幾百億賭波收益。要做真正贏家，睇吓身邊人點輸，實學到嘢。
同事T最喜歡齋賭直播波兼單注「讓球」上盤，所以近排講開英超，都見佢垂頭喪氣；不過據聞佢身家豐厚，賭波只係當交娛樂費。
友人K最鍾意每天大注博三數場，贏咗即縮，輸咗續追，尤其喜歡過大海賭「走地」讓球盤；不過等祖記先輸一球再出手，同利記贏完一球，再追平手盤；兩重注俱失手，呢幾日由早賭到晚，嘥精神兼損失不菲。
今日嗰二、三十場國際賽，戰意難測，連排乜陣都唔知，馬會操盤手連續兩日開法國對斯洛伐克，實似一隻撲向波友嘅吸血蝙蝠。緊記貪圖賭名牌波要威嘅心態要不得；荷甲強弱懸殊，首戰4強隊全贏盤，莊家至怕！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報