動作多多嘅8號仔再獻新猷，噚日推出集Wi-Fi、高達7.2Mbps的HSDPA同埋3G技術於一身嘅「網上行Everywhere」無線寬頻方案，簡單啲講，即係可以將屋企嘅網上行拎埋出街用。為咗畀大家知道呢個service點樣鋪天蓋地、無遠弗屆，除咗指定動作有女有機，仲拍咗條好似教育電視咁款嘅廣告片。教大家點用！
8號仔個人客戶服務董事總經理陳紀新（中）話，𠵱家佢哋經已喺全港鋪咗超過3000個Wi-Fi熱點，當中有1000個係8號仔啲電話亭，好快會增至四、五千個，睇嚟，香港政府話要推動全城Wi-Fi，都要靠李生而唔係自己，真係香港始終有「李」!
李潤芳攝