港股近日風雨飄搖，惟相對期指市場血流成河場面，可謂小巫見大巫。一名華資期貨交易商坦言，近三個交易日可算是97金融風暴後市況最波動的日子，「客戶落完盤後，唔夠一個鐘市況逆轉，就要求佢哋補孖展，大部份客都只炒即日鮮，唔敢持倉過夜。」
「有客戶昨開市後於22200掃入十張好倉，不足20分鐘已升上22700，如果肯平倉，25萬袋袋平安，可惜冇平倉，尾市跌至21600，由於不肯補孖展，被迫斬倉輸成30萬。」
即月期指昨曾高見22710，升1071點，惟10時22分後已回落，最終呈單日轉向，收市報21600，倒跌39點，全日高低波幅1152點。與現貨比較，由前日高水轉為低水39點。
單計恒指期貨，即月及下月成交錄得近14萬張，媲美結算日水平，而小型期指昨更錄得逾3.4萬張的新高成交。
另外，針對近日市況波動，港交所（388）調高部份期貨按金金額，即月期指基本按金由8.7萬元大幅調高至11萬元。