總結荷甲開「咧」，4大班霸齊齊贏波又贏盤，捧強隊嘅球迷固然興奮莫名，其中阿積士作客「升班馬」廸加史卓普入到停唔到「腳」，以8個1皮上演「大屠殺」，而上周中喺歐洲賽12碼宴客嘅亨特拉爾就「大四喜」，一發洩心頭之恨；不過，我求大俠睇見另一支芬洛造訪阿爾克馬爾，淨吞4蛋，似乎呢兩隊波仲停喺荷乙級數喎！