韋拉圖雖然同馬特拉斯係國米隊友，但唔代表佢哋私底下係朋友。韋拉最近爆料，話點都唔會同馬特拉斯同枱食飯，原因係06世界盃施丹同後者嘅「頭頂事件」。韋拉咁做去撐自己國家隊隊友，我求大俠好欣賞佢夠義氣；但係話晒馬特拉斯都係你球會隊友，咁搞法有傷內部團結喎！唔怪得國米啱啱喺意超盃輸畀羅馬啦！