21/08/2007.....
有雨
最新動態
熱刺輸兩場，才靠食「羊」開齋，曼聯3戰不勝，足球有時就係咁意想不到；如同股市，過往兩個交易日嘅市況可能已係十年一遇，這類經驗難能可貴。揸住一啲好似上周四推介嘅建行（939）呢類優質股，趁低吸納，淨計短線回報已很不錯。曼聯、熱刺躉，咪咁快灰心呀！
想贏波，個人深信要多從直播賽事研究該隊打法，再配合值博率，以迎接未來部署；貼中曼城W，全因睇到曼聯上次對老樸一役，個別球員不復以往勇猛，變招能力不足；英冠博到狼隊作客贏錫周三，因為後者上周中對低兩級嘅洛達咸已贏得辛苦，力不到，不為財，做得球評家，捱更抵夜也是職責所在。
所以賭波單靠睇莊家開盤手法或者資金流向，就說成係信心之選，未免太膚淺；以我所知，好多各地操盤手，唔同香港馬會咁正派，有時沒有注碼湧入，也可打熱賠率，波友睇飛做人，當心！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報